ಹುಬ್ಬಳ್ಳಿಯಲ್ಲಿ ದಶಲಕ್ಷಣ ಕಾರ್ಯಕ್ರಮಗಳು
Published Date: 15-Sep-2026
ಹುಬ್ಬಳ್ಳಿ: ಪ್ರತಿವರ್ಷದಂತೆ ಹುಬ್ಬಳ್ಳಿ ದಿಗಂಬರ ಜೈನ ಸಮಾಜವು ದಶಲಕ್ಷಣ ಮಹಾಪರ್ವವನ್ನು ಸಂಭ್ರಮದಿಂದ ದಿನಾಂಕ 16-09-2026 ರಿಂದ 25-09-2026 ರವರೆಗೆ ಶಾಂತಿನಾಥ ಸಾಂಸ್ಕೃತಿಕ ಭವನದಲ್ಲಿ ಆಚರಿಸಲಿದೆ. ಪ್ರತಿದಿನ ಬೆಳಿಗ್ಗೆ 6.30ರಿಂದ ವಿಶೇಷ ಪಂಚಾಮೃತ ಅಭಿಷೇಕ ನಂತರ ಸಾಮೂಹಿಕ ದಶಲಕ್ಷಣ ಪೂಜಾ ವಿಧಾನ ನಡೆಯುತ್ತದೆ. ಸೆ. 16ರಂದು ಬೆಳಿಗ್ಗೆ ಎನ್. ಆರ್. ಪುರದ ಸ್ವಸ್ತಿಶ್ರೀ ಲಕ್ಷ್ಮೀಸೇನ ಭಟ್ಟಾರಕರು ಕಾರ್ಯಕ್ರಮ ಉದ್ಘಾಟಿಸುವರು, ವಿವಿಧ ದಿನಗಳಲ್ಲಿ ಸೊಂದಾ ಮಠದ ಸ್ವಸ್ತಿಶ್ರೀ ಭಟ್ಟಾಕಲಂಕ ಭಟ್ಟಾರಕರು, ನವಗ್ರಹ ತೀರ್ಥದ ಸ್ವಸ್ತಿಶ್ರೀ ಧರ್ಮಸೇನ ಭಟ್ಟಾರಕರು, ಕೊಲ್ಲಾಪುರ ಮಠದ ಸ್ವಸ್ತಿಶ್ರೀ ಲಕ್ಷ್ಮಿಸೇನ ಭಟ್ಟಾರಕರು ಸಾನಿಧ್ಯ ವಹಿಸಿ ಮಂಗಲ ಪ್ರವಚನ ಅನುಗ್ರಹಿಸುವರು. ಅಕ್ಟೋಬರ್ 7 ರಂದು ಕ್ಷಮಾವಳಿಯ ವಿಶೇಷ ಕಾರ್ಯಕ್ರಮವು ಬಾಲಾಚಾರ್ಯ ಶ್ರೀ ಸಿದ್ಧಸೇನ ಮಹಾರಾಜರು ಹಾಗೂ ಹೊಂಬುಜ ಮಠದ ಸ್ವಸ್ತಿಶ್ರೀ ದೇವೇಂದ್ರಕೀರ್ತಿ ಭಟ್ಟಾರಕರ ಸಾನಿಧ್ಯದಲ್ಲಿ ನಡೆಯುವುದು. ಅಧ್ಯಕ್ಷರು/ ಪದಾಧಿಕಾರಿಗಳು ದಿಗಂಬರ ಜೈನ ಸಮಾಜ ಹುಬ್ಬಳ್ಳಿ
