ಮೂಡುಬಿದಿರೆ: ಕೋ-ಆಪರೇಟಿವ್ ಸರ್ವಿಸ್ ಸೊಸೈಟಿ ವತಿಯಿಂದ ವಿಭಿನ್ನ ಕಾರ್ಯಕ್ರಮ
Published Date: 26-Jul-2026
ಮೂಡುಬಿದಿರೆ ಕೋ-ಆಪರೇಟಿವ್ ಸರ್ವಿಸ್ ಸೊಸೈಟಿ ,ಇದರ ಮಹಾಸಭೆಯನ್ನು ಸಂಪೂರ್ಣವಾಗಿ ಶೂನ್ಯತ್ಯಾಜ್ಯ ಮಾದರಿಯಲ್ಲಿ ಅಳವಡಿಸಿ ನಡೆಸಲಾಯಿತು. ಈ ಸಂದರ್ಭದಲ್ಲಿ ಸುಮಾರು 10 ಸಾವಿರ ಮಂದಿಗೆ ಉಪಹಾರದ ವ್ಯವಸ್ಥೆಯನ್ನು ಪರಿಸರ ಸ್ನೇಹಿ ಮಾದರಿಯಾಗಿಸಲಾಗಿತ್ತು. ಇಲ್ಲಿ ಯಾವುದೇ ಟಿಶ್ಯು ಪೇಪರ್, ಏಕ ಬಳಕೆಯ ಪೇಪರ್ ಅಥವಾ ಪ್ಲಾಸ್ಟಿಕ್ ಕಪ್ ಹಾಗೂ ಪ್ಲೇಟ್ಗಳು ಹಾಗೆಯೇ ಚಮಚಗಳನ್ನು ಬಳಸದೆ ಮರುಬಳಕೆಯ ತಟ್ಟೆ ಲೋಟಗಳ ಸಹಾಯದಿಂದ ಬಂದ ಎಲ್ಲ ಮಂದಿಗೆ ಉಪಹಾರದ ಏರ್ಪಾಡನ್ನು ಶುಚಿರುಚಿಯಾಗಿ ಮಾಡುತ್ತಾ ತ್ಯಾಜ್ಯ ನಿರ್ವಹಣೆಯನ್ನು ಕೂಡ ಸರಿಯಾಗಿ ನಿಭಾಯಿಸಿ ಎಲ್ಲರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ. ಏಕ ಬಳಕೆಯ ಪ್ಲಾಸ್ಟಿಕ್ ಕ್ಯಾರಿ ಬ್ಯಾಗ್ ಬಳಸದೇ ಎಲ್ಲಾ ಸದಸ್ಯರಿಗೆ ಕೊಡುಗೆಯಾಗಿ ಸ್ಟೀಲ್ ಬಾಟಲ್ ಅನ್ನು ನೀಡಲಾಯಿತು. ಸುಮಾರು 10 ಸಾವಿರ ಏಕ ಬಳಕೆಯ ಟಿಶ್ಯೂ ಪೇಪರ್, ತಟ್ಟೆ ,ಲೋಟ, ಚಮಚ, ಕ್ಯಾರಿ ಬ್ಯಾಗ್ ಗಳ ನಿಯಂತ್ರಣಕ್ಕೆ ನಾಂದಿ ಹಾಡಲಾಯಿತು. ಈ ಕಾರ್ಯಕ್ರಮದಲ್ಲಿ ಮೂಡುಬಿದಿರೆಯ MCS bank ನ ಅಧ್ಯಕ್ಷರಾಗಿರುವ ಎಂ ಬಾಹುಬಲಿ ಪ್ರಸಾದ್, ಹಾಗೂ ಎಲ್ಲಾ ಪದಾಧಿಕಾರಿಗಳು ಸೇರಿದಂತೆ ಮತ್ತಿತರರು ಉಪಸ್ಥಿತರಿದ್ದರು. ಹಾಗೆಯೇ new padivals ನವರ ಈ ಪರಿಸರ ಸ್ನೇಹಿ ಉಪಹಾರದ ವ್ಯವಸ್ಥೆ ತುಂಬಾ ಅಚ್ಚುಕಟ್ಟಾಗಿತ್ತು.
